Aínda que a miña formación é en guitarra clásica e composición, actualmente son multiinstrumentista tanto en corda pulsada (mandolina, bouzouki, guitarra, baixo, …) como en vento madeira (requinta, traverso, frautas, gaita, clarinete…), sobre todo no mundo do folk.
Ademais, son docente das materias relacionadas cos Fundamentos da Composición e tamén de Linguaxe Musical e outras disciplinas nas escolas mancomunadas de música de Rábade, Begonte e Outeiro de Rei e teño ampla experiencia tanto na preparación de materias teóricas para o acceso ao graos profesional e superior do conservatorio como na impartición de clases de músicas populares, en concreto da música tradicional galega.